Answer:
Kanser sa Baga
Ang kanser sa baga ang nangungunang kanser na pumapatay sa Hong Kong. Mayroong
higit sa 4,000 bagong kaso ng kanser sa baga at halos 3,600 na pagkamatay dahil sa sakit
na ito sa bawat taon.
Pangunahing sanhi ang paninigarilyo sa pagkakaroon ng kanser sa baga. Halos 90% ng
mga pasyenteng lalaki na may kanser sa baga ang maninigarilyo. Ang matagal na
pagkalantad sa usok ng ibang naninigarilyo ay dinodoble ang panganib sa pagkakaroon ng
kanser sa baga. Samakatuwid, dapat kaagad na tumigil ang mga maninigarilyo para sa
kapakanan ng kanilang sarili, kanilang mga kamag-anak at mga kaibigan. Kung mayroon
kang kamag-anak o kaibigan na naninigarilyo, makipag-usap sa kanya tungkol sa pagtigil.
Ang pagtuklas ng kanser sa baga sa maaga nitong yugto ay maaaring magtaas sa
pagkakataon na malunasan. Ngunit, karamihan sa mga pasyente ay hindi na-diagnose
hanggang ang kanser sa baga ay nasa metaphase o malalang yugto, sa gayon ginagawa
nitong mas mahirap ang paggamot. Samakatuwid, ang mga taong may mataas na
panganib ng kanser sa baga (maninigarilyo at iyong mga taong madalas na nakalantad sa
naaamoy na usok) ay dapat na maging mapagbantay sa mga sakit sa paghinga upang
madagdagan ang pagkakataon na malunasan sa pamamagitan ng maagang pagtuklas.
(Espesyal na pasasalamat kay Dr SH LO, Consultant, Departamento ng Clinical Oncology,
Ospital ng Tuen Mun, New Territories West Cluster) 2
