Ang paglapit o paghingi ng tulong sa isang experto ay napakahalaga kung tayo ay nakakaranas ng problemang pangkalusugan. Ito'y nagpapadali na matukoy ang<em> sanhi ng sintomas</em> na nararamdaman ng isang tao. Dahil dito, <em>agad na nabibigyang lunas ang sakit</em>. Kapag ito'y pinatagal pa, siguradong mas mahirap masugpo ang sakit dahil ito ay lalala. Ang eksperto ay dalubhasa sa kanyang tungkulin kaya siguradong hindi masasayang ang oras at pagod mo kung magpapakonsulta ka sa kaniya. Mabibigyan ka rin ng tamang payo kung paano mo maaalagaan nang mabuti ang iyong kalusugan at paano maiiwasan sa hinaharap ang problemang pangkalusugan.
